Natandog gayud ako sa akong nasaksihan duha ka oras na ang nilabay didto sa Jollibee Sm level 1.Unom ka suod nga managhigala ang malipayong nangaon. Sa akong bana- bana ilang pangidaron naa sa 14- 16 anyos. samtang nibarog ang usa kanila ug nananghid nga moadto sa hinawanan, ang lima nga nahibilin sa lamesa nagsabot ug nagkapuliki sa pagdinali-dali aron sila mahuman sa o
ras nga mubalik na ilang higala. Akong namatngunan nga usa kanila adunay gikuha nga gamay nga bulsita. gipagawas dayon nila ang usa ka gamay nga cupkeyk ug ilang gipabarog ang kandila.Pagbalik sa ilang higala nagdungan sila ug panganta ug " Happy Birthday" ug nipakpak ug napulo'g unom ka higayon. Walay bisan usa nga pulong ang nigawas gikan sa iyang baba, hinuon nidagayday ang tin-aw nga likido gikan sa iyang mga mata lahus sa iyang dili kaayo puti nga aping.
Bisan dili kaayo bongga ang pagsaulog sa iyang adlawng natawhan apan nahimo kining bililhon sa hingtungdan.Dili masukod ang tukmang kalipay ang gibati ni Charity( maoy akong nadungog nga iyang pangalan) tungod sa gamay apan kinasing-kasing nga dulot sa iyang mga higala.
--Akong napamatud-an nga ang tinuod nga kalipay dili lamang nato matagamtaman sa mga mahalon nga butang sa kalibutan.
Bisan dili kaayo bongga ang pagsaulog sa iyang adlawng natawhan apan nahimo kining bililhon sa hingtungdan.Dili masukod ang tukmang kalipay ang gibati ni Charity( maoy akong nadungog nga iyang pangalan) tungod sa gamay apan kinasing-kasing nga dulot sa iyang mga higala.
--Akong napamatud-an nga ang tinuod nga kalipay dili lamang nato matagamtaman sa mga mahalon nga butang sa kalibutan.
—
No comments:
Post a Comment